رمضان ایمان کی تازگی ، تزکیہ نفس کا بہترین موقع :امام کعبہ
مکہ مکرمہ (مانیٹرنگ ڈیسک)امام اور خطیب مسجد الحرام شیخ ڈاکٹر یاسر بن راشد الدوسری نے رمضان المبارک کے آخری جمعہ کے خطبہ میں تقویٰ اختیار کرنے اور تزکیہ نفس پر زور دیا۔
امام حرم نے کہا کہ ماہ رمضان میں عبادات اور صدقہ و خیرات سے ایمان نہ صرف تازہ ہوتا ہے بلکہ اسے تقویت ملتی ہے اور یہ تزکیہ نفس کا بہترین موقع ہے ۔امام کعبہ نے خطبہ میں کہا کہ رمضان اللہ کی رحمتیں اور مغفرت بٹورنے کا نادر و نایاب موقع ہے ۔شیخ ڈاکٹر یاسر بن راشد الدوسری نے کہا کہ ہر مسلمان کو اس ماہ روزے رکھ کر اللہ کی رحمت اور مغفرت طلب کرنی چاہیے ۔امام کعبہ نے خیرات اور صدقات کی اہمیت پر زور دیتے ہوئے کہا کہ مستحقین میں خوراک کی تقسیم اللہ کی خوشنودی اور قربت کا ذریعہ بنتی ہے ۔ڈاکٹر یاسر نے کہا کہ ماہ رمضان کے آخری ایام میں عبادات میں مشغول ہونا دعاؤں کی قبولیت کی سیڑھی ہے ۔
