مشہور بھارتی اداکار جاویدحیدرسڑک پر سبزیاں بیچنے پر مجبور
اداکارہ ڈولی بندرا نے اداکار کی سڑک پر سبزی بیچتے ہوئے ویڈیوسوشل میڈیا پر شیئرکردی
ممبئی (شوبز ڈیسک) کورونا وائرس کے باعث دنیا بھر میں متعدد انڈسٹریز کو نقصان پہنچا جس میں شوبز انڈسٹری بھی شامل ہے ،لاک ڈاؤن کے باعث پروڈکشن کا کام رک گیا اور کئی اداکار سڑکوں پر سبزی اور پھل بیچنے پر مجبور ہوگئے ہیں۔بھارت کے مشہور اداکار جاوید حیدر بھی ان میں شامل ہیں جن کی ایک ویڈیو سوشل میڈیا پر وائر ل ہورہی ہے جس میں وہ سبزی کی ریڑھی لئے سڑکوں پر آوازیں لگا کر سبزی بیچتے نظر آرہے ہیں ۔جاوید حیدر کی یہ ویڈیو بھارتی اداکارہ ڈولی بندرا نے سوشل میڈیا پر شیئر کی تھی اور کہاکہ‘‘ یہ دنیا میں ہو کیارہاہے ’’۔
روزنامہ دنیا ایپ انسٹال کریں
