مرد نہیں خواتین نے مجھے گرا ہوا بنا کر پیش کیا:ملیکا شراوت
بالی ووڈ کی بولڈ اداکارہ ملیکا شراوت کا کہنا ہے مردوں نے نہیں عورتوں نے ہمیشہ مجھے گری ہوئی عورت بنا کر پیش کیا ہے
ممبئی (آئی این پی)ایک حالیہ انٹر ویو میں بولڈ اداکارہ ملیکا شراوت نے کہا کہ سکرین پر بوسہ دینے اور مختصر لباس پہننے پر میڈیا نے مجھے گری ہوئی عورت بنا کر پیش کیا لیکن اب بھارتی معاشرے میں سوچ تبدیل ہوئی ہے ، لوگوں میں زیادہ برداشت کا رویہ پیدا ہو گیا ہے ۔ملیکا شراوت نے کہا کہ مردوں سے کبھی کوئی مسئلہ نہیں ہوا اور میڈیا میں بھی خواتین نے مجھے نشانہ بنایا، مردوں نے ہمیشہ میری تعریف کی لیکن میں سمجھ نہیں سکی کہ یہ خواتین میرے خلاف کیوں ہیں اور میرے لیے اتنی گندی سوچ کیوں رکھتی ہیں۔ملیکا شراوت نے کہا کہ اس وجہ سے میں نے بھارت کو چھوڑ دیا کیونکہ میں کچھ وقت کیلئے بریک لینا چاہتی تھی۔
روزنامہ دنیا ایپ انسٹال کریں
