سونیا حسین ملک میں بڑھتی ہوئی مہنگائی سے تنگ آگئیں
پوری قوم پریشان ہوگئی ،مہنگائی تھمنے کا نام ہی نہیں لے رہی ہے :اداکارہ
کراچی (سٹاف رپورٹر )اداکارہ سونیا حسین بھی ملک میں بڑھتی ہوئی مہنگائی سے تنگ آگئیں ۔ ایک ٹی وی پروگرام میں ان کا کہنا تھاکہ مہنگائی کے ہاتھوں پوری قوم پریشان ہے اور مہنگائی ہے کہ تھمنے کا نام نہیں لے رہی ہے جبکہ غیرملکی کرنسی بھی اوپر چلی جارہی ہے ۔ انہوں نے کہا کہ پاکستان میں لوگوں کی اکثریت سمجھتی ہے کہ گھر چلانے کیلئے عورت کو اپنے کیریئر کی قربانی دینا چاہئے لیکن ہمارے ملک میں بہت سی خواتین کام اور گھر ساتھ چلارہی ہیں۔ سونیا حسین نے ہنستے ہوئے کہا کہ مرد حضرات بیچارے علم نہیں کس ذہنی تنا ؤکا شکار ہوتے ہیں کہ ان کے بال ہی گر جاتے ہیں۔
روزنامہ دنیا ایپ انسٹال کریں
