اتنا بدنام کردیا گیاکہ شادی نہیں ہوپا رہی:کنگنا رناوت
ممبئی(شوبز ڈ یسک )اداکارہ کنگنا رناوت کا کہنا ہے کہمجھ سے متعلق منفی باتوں کی وجہ سے میری شادی نہیں ہو پارہی ہے ۔
ایک سوال کے جواب میں 38 سالہ اداکارہ کا کہنا تھا کہ شادی سے متعلق میرے خیالات مثبت ہیں۔ میرا نظریہ ہے کہ ہر انسان کو ایک ساتھی کی ضرورت ہوتی ہے ۔ مجھے لگتا ہے کہ بچے ہونے چاہیے اور فیملی ہونا چاہیے ۔ کنگنا رناوت نے کہا کہ لوگوں نے اتنا بدنام کیا ہوا ہے کہ میری شادی نہیں ہوپا رہی ۔ میرے خلاف عدالتی کیسز بہت سے ہیں۔ جیسے ہی کسی رشتے کی بات چلتی ہے تو پولیس گھر آجاتی ہے اور اٹھا کر لے جاتی ہے ۔ ایک بار ہونے والے ساس سسر آئے ہوئے تھے کہ عدالت سے پیشی کا حکم آ گیا۔ یہ صورتحال دیکھ کر وہ چلے گئے ۔ اداکارہ نے بعد میں اس بیان کو مذاق قرار دیا۔
روزنامہ دنیا ایپ انسٹال کریں
