انجلینا ، بریڈپٹ میں 8سال بعد طلاق کا تصفیہ طے
نیو یارک(شوبز ڈیسک )ہالی ووڈ انڈسٹری کی مشہور فلم سٹار جوڑی، اداکارہ انجیلینا جولی اور اداکار بریڈ پٹ کے درمیان طلاق کا تصفیہ طے پا گیا۔
انجلینا جولی کے وکیل جیمز سائمن کے مطابق انجیلینا جولی طلاق کا تصفیہ ہو جانے پر خوش ہیں۔یاد رہے کہ انجلینا اور بریڈپٹ کی طلاق کا کیس ہالی ووڈ کی تاریخ کے سب سے طویل اور پیچیدہ مقدمات میں سے ایک ہے جو کہ اب ختم ہوتا نظر آ رہا ہے ۔ واضح رہے کہ ہالی ووڈ کی مشہور جوڑی نے طلاق کے لیے ایک نجی جج کی خدمات حاصل کی تھیں۔جج کی جانب سے جَلد ہی کیس کا فیصلہ سنا دیا گیا تھا، گزشتہ فیصلے کے مطابق بچوں پر دونوں کو برابر کا حق دیا گیا تھا۔بعد ازاں انجلینا نے جج کو کیس سے ہٹانے کی درخواست کی تھی جسے اعلیٰ عدالت نے قبول کر لیا تھا، کیس کے پہلے جج کو ہٹائے جانے کے بعد سارا کیس از سر نو چلا تھا۔
روزنامہ دنیا ایپ انسٹال کریں
