عامر خان کی 60ویں سالگرہ پر فلم فیسٹیول ‘سینما کا جادوگر’ کا انعقاد
ممبئی(شوبزڈیسک)بالی ووڈ کے مسٹر پرفیکشنسٹ عامر خان 14 مارچ کو 60 سال کے ہوجائیں گے اور ان کی سالگرہ کو شایان شان طریقے سے منانے کا اعلان کیا گیا ہے۔
یہ اعلان پی وی آر آئی نوکس نے کیا جو ایک خصوصی فلم فیسٹیول "عامر خان: سینما کا جادوگر" کا انعقاد کرنے جا رہی ہے جس میں اداکار کے فلمی سفر کو سراہا جائے گا۔اس فیسٹیول کے دوران، عامر خان کی فلمیں ملک بھر کے مختلف شہروں میں دکھائی جائیں گی۔ اس ایونٹ کا مقصد ان کی مشہور فلموں کو پیش کر کے انھیں زبردست خراج تحسین پیش کرنا ہے ۔عامر خان خود بھی اپنی 60 ویں سالگرہ پر ایک شاندار پارٹی کا انعقاد کریں گے جس میں کئی بڑے ستارے شرکت کریں گے ۔ یاد رہے کہ عامر خان کی جانب سے پہلی بار اتنی بڑی تقریب کا انعقاد کیا جائے گا۔
روزنامہ دنیا ایپ انسٹال کریں
