فی الحال شوبزانڈسٹری نہیں چھوڑرہی : غنیٰ علی کی وضاحت
لاہور(شوبزڈیسک)معروف اداکارہ غنیٰ علی نے انسٹاگرام پر شیئر کی گئی پہلی سٹوری میں لکھا کہ میں اسلام کی خاطر شوبز انڈسٹری کو خیرباد کہہ رہی ہوں۔
مجھے اور میری فیملی کو اپنی دعاؤں میں یاد رکھیں،جس کے بعد اداکارہ کے شوبز انڈسٹری سے کنارہ کشی کرنے کے حوالے سے خبریں گردش کرنے لگیں تاہم جلد ہی انہوں نے ایک اور انسٹاسٹوری شیئر کی کہ میں فی الحال انڈسٹری نہیں چھوڑ رہی بلکہ پرانی انسٹا سٹوری میرے بھائی نے مذاق میں شیئر کی تھی لیکن میں مستقبل میں انڈسٹری چھوڑنے کا ارادہ رکھتی ہوں تاکہ اپنے گھر اور بچوں پر توجہ دے سکوں۔واضح رہے کہ غنیٰ علی شادی اور پھر بچوں کی پیدائش کے بعد اسکرین پر واپس آئیں۔طویل وقفے کے بعد انہوں نے ڈرامہ سیریل ‘نقاب’ میں زارا کے کردار سے واپسی کی۔
روزنامہ دنیا ایپ انسٹال کریں
