میں انڈہ بھی اُبال نہیں سکتی، سیف مجھ سے بہتر کک :کرینہ
ممبئی (شوبزڈیسک )بالی ووڈ اداکارہ کرینہ کپور نے انکشاف کیا ہے کہ وہ اور اُن کے شوہر اداکار سیف علی خان اب گھر پر خود کھانا پکانے لگے ہیں ، لیکن میں انڈہ بھی اُبال نہیں سکتی اور سیف مجھ سے بہتر کک ہیں۔
اپنی غذائی ماہر رجوتا دیویکر کی نئی کتاب The Commonsense Diet کی تقریبِ رونمائی کے دوران انہوں نے کہا کہ کام کے طویل دن کے بعد گھر کا پکا ہوا کھانا کسی نعمت سے کم نہیں، اب سیف اور میں خود بھی کھانا پکاتے ہیں اور ہمیں اس کا مزہ آنے لگا ہے ، یہ ہماری زندگی کا حصہ بن گیا ہے ، کھانے کے معاملے میں زیادہ مسئلہ نہیں کرتی اور کئی دنوں تک ایک ہی کھانے سے خوش رہتی ہوں، اگر 3 دن کھچڑی نہ کھاؤں تو مجھے اس کی طلب ہونے لگتی ہے ، میرا خانساماں پریشان ہوتا ہے کیونکہ میں ایک ہی کھانا 10 سے 15 دن تک کھا سکتی ہوں، مجھے ہفتے میں 5 دن کھچڑی کھانے پر کوئی اعتراض نہیں، خاص طور پر اگر اس پر گھی کی ہلکی سی تہہ ہو۔ کپور خاندان کو پایا سوپ بے حد پسند ہے ، پایا سوپ ہمارے خاندان کے لیے سونے کی ڈش جیسی ہے ، ہم سب اسے بہت پسند کرتے ہیں۔
