سونے کی سمگلنگ ،بھارتی اداکارہ رانیا راؤ کو 1 سال قید
ممبئی(شو بز ڈیسک) بھارت کی کناڈا فلموں کی اداکارہ رانیا راؤ کو سونے کی سمگلنگ کے کیس میں ایک سال قید کی سزا سنادی گئی۔
بھارتی میڈیا کے مطابق عدالت نے 32 سالہ اداکارہ کی ضمانت کی درخواست بھی مسترد کردی۔میڈیار پورٹس کے مطابق اداکارہ کو COFEPOSA ایکٹ کے تحت کم از کم ایک سال تک جیل میں رہنا پڑے گا۔اداکارہ رانیا راؤ کو رواں سال مارچ میں رنگے ہاتھوں 14 کلوگرام سے زائد سونے کی سمگلنگ کے جرم میں گرفتار کیا گیا تھا۔بھارتی میڈیا کے مطابق ڈائریکٹوریٹ آف ریونیو انٹیلی جنس (ڈی آر آئی) کے اہلکاروں نے کناڈا اداکارہ رانیا راؤ کو بنگلورو انٹرنیشنل ایئرپورٹ پر گرفتار کیا تھا اور اداکارہ کے پاس سے 14.8 کلوگرام سونا بھی ضبط کیا گیا تھا۔
روزنامہ دنیا ایپ انسٹال کریں
