نواز شریف کی فیملی ارکان سے ملاقات ،اے سی نہ لگانے کا شکوہ
سابق وزیر اعظم نوازشریف نے داتادربار کے باہر دہشتگردی کی مذمت کرتے ہوئے کہا کہ داتا دربار کے باہر شہید ہونے والوں پر دلی دکھ ہو ا ہے
لاہور(سیاسی رپورٹر)سابق وزیر اعظم نوازشریف نے داتادربار کے باہر دہشتگردی کی مذمت کرتے ہوئے کہا کہ داتا دربار کے باہر شہید ہونے والوں پر دلی دکھ ہو ا ہے نوازشریف سے مریم نواز سمیت دیگر خاندان کے افراد نے جیل میں ڈیڑھ گھنٹہ ملاقات کی ،رمضان اور بیماری کے باعث نوازشریف نے فیملی کے علاوہ کسی رہنما سے ملاقات نہیں کی۔مسلم لیگ ن کے قائد نوازشریف کی رہائی کے بعد شریف فیملی کی کوٹ لکھپت جیل میں یہ پہلی ملاقات تھی ، دوپہر12بجے مریم نواز، کیپٹن (ر)صفدر، ڈاکٹر عدنان، عباس شریف کے صاحبزادوں سمیت دیگر افراد جیل پہنچے ، نوازشریف نے بیماری اور روزہ کے باعث کارکنوں سے ملاقات سے معذرت کر لی۔ مریم نواز نے سوشل میڈیا ٹویٹر پر اپنے پیغام میں کہاکہ سابق وزیر اعظم نوازشریف بھی حضرت علی ہجویری داتا گنج بخش رحمتہ اللہ علیہ کے مزار کے باہر دہشت گردی پر غمزدہ ہیں۔ انہوں نے دہشتگردی کی مذمت کی اور کہاکہ ان کا دل بھی اس واقعہ پر دکھی ہے جبکہ مریم نواز نے اپنے ٹویٹ میں نواز شریف کی جانب سے کارکنوں کو محبت بھرا سلام بھیجا ، مہنگائی اور عوام کی بڑھتی ہوئی مشکلات پر تشویش کا اظہار بھی کیا۔ نوازشریف نے فیملی سے کہا کہ جیل میں ہی انہوں نے نماز تراویح ادا کی اور وہ بیماری کے باوجود تمام روزے بھی رکھیں گے ،نوازشریف نے جیل میں شدید گرمی اور حبس کے باوجود کمرے میں اے سی نہ لگانے کا بھی شکوہ کیا ،فیملی کی جانب سے نوازشریف کے لئے افطاری اور کھانا شام پانچ بجے بھجوایاجائے گا۔ نواز شریف
