فیض آبا ددھرنا، پیمرا کا بھی نظرثانی درخواست واپس لینے کا فیصلہ
اسلام آباد(سپیشل رپورٹر)سپریم کورٹ سے پیمرا نے بھی فیض آباد دھرنا نظرثانی کیس میں درخواست واپس لینے کے لئے رجوع کیا ہے۔
پاکستان الیکٹرانک میڈیا
ریگولیٹری اتھارٹی(پیمرا )نے نظرثانی درخواست واپس لینے کی متفرق درخواست دائر کی ہے جس میں موقف اختیار کیا گیا کہ فیض آباد دھرنا فیصلے کے خلاف نظرثانی درخواستیں زیرالتوا ہیں اور سپریم کورٹ میں نظرثانی درخواست پر 28 ستمبر کو سماعت مقرر ہے ۔درخواست میں استدعا کی گئی کہ پیمرا نظرثانی درخواست کی پیروی نہیں کرنا چاہتا لہذا پیمرا کی متفرق درخواست منظور کی جائے اور فیض آباد دھرنا فیصلے کیخلاف نظرثانی درخواست واپس لینے کی اجازت دی جائے ۔واضح رہے کہ سپریم کورٹ میں فیض آباد دھرنا نظرثانی کیس کی سماعت 28 ستمبر کو ہوگی۔گزشتہ روز انٹیلی جنس بیورو نے بھی نظر ثانی کیس میں دائر نظر ثانی درخواست واپس لینے کے لئے عدالت سے رجوع کیا ۔
