تندور مالکان کا روٹی 15روپے سے کم فروخت کرنے سے انکار
لاہور (آئی ا ین پی،آن لائن )تندور مالکان نے روٹی 15 روپے سے کم میں فروخت کرنے سے انکار کرتے ہوئے کہا ہے کہ اخراجات بڑھ گئے ہیں۔
روٹی 15 روپے سے کم قیمت پر فروخت نہیں کریں گے جبکہ حکومت پنجاب نے لاہور میں روٹی 14 روپے اور نان کی قیمت 20روپے مقرر کی ہے تاہم تندوروں پر روٹی 15، نان 25 اور کلچہ 30 روپے میں فروخت کیا جارہا ہے ۔ شہر بھر میں نان ،روٹی کی قیمت پر تندورمالکان اور شہریوں میں تو تکرار کا سلسلہ جاری ہے ۔ ڈپٹی کمشنر لاہور رافعہ حیدر نے کہا ہے کہ حکومت پنجاب کی مقرر کردہ قیمتوں پر روٹی اور نان فروخت ہوگا، زائد وصول کرنے والوں کے خلاف سخت کارروائی کی ہدایات جاری کی ہیں، مقررہ قیمتوں کے حوالے سے آفیسرز مانیٹرنگ کر رہے ہیں۔
روزنامہ دنیا ایپ انسٹال کریں
