بجلی کی قیمت میں 3.41روپے اضافے کا امکان، آج سماعت
اسلام آباد (مانیٹرنگ ڈیسک)بجلی کی قیمت میں 3 روپے 41 پیسے فی یونٹ اضافے کا امکان ہے ۔سی پی پی اے نے بجلی کی قیمت میں اضافے کی درخواست نیپرا میں جمع کرا دی۔
بجلی کی قیمتوں میں اضافے کی درخواست ماہانہ فیول پرائس ایڈجسٹمنٹ کی مد میں کی گئی ہے ۔ نیپرا میں درخواست پر سماعت آج ہوگی۔درخواست کے مطابق گزشتہ ماہ 12 ارب 26کروڑ یونٹ بجلی پیداہوئی اور پیداواری لاگت 111 ارب روپے رہی۔ فرنس آئل سے 31 روپے 44 پیسے ، ایل این جی سے 24 روپے 1پیسہ فی یونٹ پیداوار ہوئی اور ایران سے 26 روپے 9پیسے فی یونٹ بجلی درآمد کی گئی۔ بجلی 23 پیسے فی یونٹ لائن لاسز اور چوری کی نذر ہوگئی۔ 3 روپے 41 پیسے فی یونٹ اضافہ منظور کیا جائے ۔
روزنامہ دنیا ایپ انسٹال کریں
