کراچی : شارٹ ٹرم اغواکی واردات 3لاکھ 40ہزارڈالر’’تاوان ‘‘وصول
کراچی (مانیٹرنگ ڈیسک )کراچی میں پولیس کی وردی پہنے ملزموں نے شارٹ ٹرم اغواکی واردات کرکے لاکھوں ڈالر ہتھیا لئے ۔
پولیس حکام کے مطابق واقعہ کا مقدمہ منگھوپیر تھانے میں درج کیا گیا ہے ،ایف آئی آر کے متن کے مطابق 25 دسمبر کو پولیس موبائل میں سوار افراد نے ایک شہری ارسلان کو گھر کے باہر سے اٹھایا اور 3 لاکھ 40 ہزار ڈالرمختلف اکاؤنٹس میں ٹرانسفر کرائے ۔ملزموں نے شہری کو سڑکوں پر گھما کر صبح 4 بجے مزار قائد کے قریب پھینک دیا۔ارسلان کا کہنا ہے کہ وہ نارتھ کراچی کارہائشی ہے اور کرنسی کا آن لائن کاروبار کرتا ہے ۔
روزنامہ دنیا ایپ انسٹال کریں
