ماہانہ فیول پرائس ایڈجسٹمنٹ بجلی 1.22 روپے یونٹ سستی
اسلام آباد(نامہ نگار،مانیٹرنگ ڈیسک)ملک بھر کے عوام کے لئے اچھی خبر ،سرکاری ڈسکوز اور کے الیکٹرک صارفین کیلئے بجلی سستی کر دی گئی۔
سرکاری تقسیم کار کمپنیوں کے صارفین کیلئے فی یونٹ 1 روپے 22 پیسے جبکہ کے الیکٹرک صارفین کیلئے بجلی کی فی یونٹ قیمت میں 1 روپے 23 پیسے کمی کی گئی ۔ قیمتوں میں کمی ماہانہ فیول پرائس ایڈجسٹمنٹ کی مد میں کی گئی ہے ۔ ملک بھر کے صارفین پر قیمت میں کمی کا اطلاق فروری کے بلوں میں ہوگا۔ نیپرا نے کے الیکٹرک اور ڈسکوز کیلئے قیمتوں میں کمی کا نوٹیفکیشن جاری کردیا ۔ نوٹیفکیشن کے مطابق سرکاری ڈسکوز کے صارفین کیلئے ماہ دسمبر کے ایف سی اے کی مد میں کمی کی گئی جبکہ کے الیکٹرک صارفین کیلئے ماہ نومبر کے ایف سی اے کی مد میں بجلی سستی کی گئی ۔
روزنامہ دنیا ایپ انسٹال کریں
