جولائی تافروری بیرونی ذرائع سے 4.9ارب ڈالر قرض موصول
اسلام آباد(دنیا نیوز) جولائی سے فروری تک 4.9 ارب ڈالر بیرون ذرائع سے موصول ہوئے جبکہ جون تک 19.2 ارب ڈالر حاصل کرنے کا ہدف ہے ۔
اقتصادی امور ڈویژن نے غیر ملکی امداد اور قرضوں کی رپورٹ جاری کردی، جس کے مطابق جولائی سے فروری تک امدادی اداروں سے 2.4 ارب ڈالر موصول ہوئے ، امدادی ملکوں سے 33 کروڑ ڈالر کا قرضہ ملا، فرانس نے سب سے زیادہ 10 کروڑ ڈالر فراہم کئے ، چین نے 99 ملین ڈالر دیئے ۔امریکا 40 ملین ڈالر ، سعودی عرب نے 12.3ملین ڈالر فراہم کئے ۔ رپورٹ کے مطابق کمرشل بینکوں سے 50 کروڑ ڈالر کا قرض لیا گیا، نیا پاکستان سرٹیفکیٹ کی مد میں 1.3 ارب ڈالر کا قرض ملا، ایشیائی ترقیاتی بینک نے 1.09 ارب ڈالر ، عالمی بینک 89 کروڑ ڈالر جبکہ چین کے بینکوں نے 30 کروڑ ڈالر کا قرض فراہم کیا۔
روزنامہ دنیا ایپ انسٹال کریں
