ٹول ٹیکس:اسی سال دوسری بار 25فیصد تک اضافہ
اسلام آباد(نیوز رپورٹر،آئی این پی) نیشنل ہائی وے اتھارٹی نے قومی شاہراہوں اور موٹر ویز پر عائد ٹول ٹیکس میں رواں برس دوسری بار اضافہ کردیا۔ نیشنل ہائی وے اتھارٹی نے ٹول ٹیکس میں اضافے کا نوٹی فکیشن جاری کردیا جس کے مطابق ٹول ٹیکس میں اضافہ یکم اپریل سے نافذ العمل ہوگا۔
رواں سال کی پہلی سہ ماہی میں نیشنل ہائی ویز اور موٹرویز پر ٹول ٹیکس میں 125فیصد اضافہ ہوجائے گا ۔ نیشنل ہائی وے اتھارٹی نے 5جنوری سے ملک بھر کی قومی شاہرا ت اور موٹرویز پر ٹول ٹیکس میں 100 فیصد تک اضافہ کیاتھا۔ این ایچ اے نے یکم اپریل سے دوبارہ ملک بھر میں موٹرویز اور نیشنل ہائی ویز پر گاڑیوں کے ٹول ٹیکس میں اضافہ کافیصلہ کیاہے ۔ این ایچ اے نے ملک کی تمام نیشنل ہائی ویز پر کار کاٹول 60روپے سے بڑھا کر 70روپے ، ویگن کا ٹول 100روپے سے بڑھا کر 150 روپے ، بس کا 200 روپے سے بڑھا کر 250 روپے ، دو اور تین ایکسل ٹرک کا 250روپے سے بڑھا کر 300 روپے ، بڑے ٹرک کا 500روپے سے بڑھا کر 550 ، کو ہاٹ ٹنل پر کار کا 150روپے سے بڑھا کر 200 روپے ، ویگن کا450روپے سے 500روپے ، بس کا 550روپے سے بڑھا کر600روپے ،، دواورتین ایکسل ٹرک کا550روپے سے بڑھا کر 600 روپے اور بڑے ٹرک کا800 روپے سے بڑھا کر 900روپے ، اسلام آباد تک مری کے لیے کار کا 150روپے سے بڑھا کر 200روپے ، ویگن کا 150روپے سے بڑھا کر 200روپے ، بس کا 300روپے سے بڑھا کر 350روپے ، دو اور تین ایکسل ٹرک کا350روپے سے بڑھا کر 400 روپے اور بڑے تیار شدہ ٹرک کا700روپے سے بڑھا کر 800روپے ، اسلام آباد پشاور موٹروے ایم ون پر کار کاٹول ٹیکس500روپے سے بڑھا کر550روپے ، ویگن 12سیٹوں والی کا750روپے سے بڑھا کر 850 روپے اور 24سیٹوں والی کا1000روپے سے بڑھا کر 1150 روپے ، بس کا 1450روپے سے بڑھا کر 1650 ،دو اورتین ایکسل ٹر ک کا1900روپے سے بڑھا کر 2150روپے اور بڑے تیار شدہ ٹرک کا2300روپے سے بڑھا کر 2650، ایم تھری لاہور عبدالحکیم موٹرے پر کار کا ٹول 700روپے سے بڑھا کر 800روپے ، ویگن 12 سیٹوں والی کا 1100روپے سے بڑھا کر 1200روپے ، 24سٹیوں تک1600روپے سے بڑھا کر 1750 روپے ، بس 2200روپے سے بڑھا کر 2500روپے ، دو اور تین ایکسل ٹرک کا2900روپے سے بڑھا کر 3200روپے ، بڑے تیار شدہ ٹرک کا3500روپے سے بڑھا کر 3950روپے ، پنڈی بھٹیاں ایم فور پر کار کاٹول950روپے سے بڑھا کر 1050روپے ، ویگن بارہ سیٹوں تک1400روپے سے بڑھا کر 1550روپے ، 14سیٹوں تک 2100روپے سے بڑھا کر 2300روپے ، بس کا 2900روپے سے بڑھا کر 3200روپے ،دو اور تین ایکسل ٹرک کا3800روپے سے بڑھا کر 4200روپے اور بڑے تیار کردہ ٹرک کاٹول ٹیکس4600 روپے سے بڑھا کر 5100روپے کردیا گیا ۔ ملتان سکھر ایم فائیو موٹر وے پر کار کا ٹول ٹیکس1100روپے سے بڑھا کر 1200روپے ، ویگن بارہ سیٹوں تک 1650روپے سے بڑھا کر 1750 روپے ، 24سیٹوں تک2350روپے سے بڑھا کر 2550 روپے ، بس کا 3350روپے سے بڑھا کر 3650روپے ، دو اورتین ایکسل ٹرک کا4400روپے سے بڑھا کر 4700روپے اور بڑے تیار کردہ ٹرک کا5550روپے سے بڑھا کر 5750روپے ٹول ٹیکس کردیاگیاہے ۔ حسن ابدال حویلیاں مانسہرہ ایکسپرے وے پر کار کاٹول250روپے سے بڑھا کر 300روپے ، ویگن بارہ سیٹوں تک400روپے سے بڑھا کر 450روپے ، 24سیٹوں تک550روپے سے بڑھا کر 600روپے ، بس کا800 روپے سے بڑھا کر900روپے ،دو اورتین ایکسل ٹرک کا1050روپے سے بڑھا کر 1150 اور بڑے تیار کردہ ٹرک کا 1250روپے سے بڑھا کر 1400روپے ٹول ٹیکس کردیاگیاہے ۔این ایچ ا ے کے مطابق مذکورہ ٹول ٹیکس یکم اپریل سے لاگو ہوں گے ۔
