لاہور ہائیکورٹ:نظربندی قانون کی معطلی کیخلاف حکومتی درخواست جمعرات کو سماعت کیلئے مقرر
لاہور(کورٹ رپورٹر)چیف جسٹس لاہور ہائیکورٹ عالیہ نیلم نے نظر بندی قانون (مینٹی ننس آف پبلک آرڈر)معطل ہونے سے متعلق پنجاب حکومت کی کیس کی جلد سماعت کے لیے درخواست منظور کرلی۔
عدالت نے جمعرات 27مارچ کو مرکزی کیس سماعت کے لیے مقرر کرنے کا حکم دے دیا۔چیف جسٹس لاہور ہائیکورٹ عالیہ نیلم نے پنجاب حکومت کی متفرق درخواست پر سماعت کی۔وکیل پنجاب حکومت نے موقف اپنایا کہ عدالت نے زینب عمیر اور دیگر کی درخواست پر نظر بندی قانون کا سیکشن 3(1) معطل کر رکھا ہے ، استدعا ہے کیس کو جلد سماعت کے لیے مقرر کیا جائے ۔
روزنامہ دنیا ایپ انسٹال کریں
