رمضان المبارک :یو م پاکستان پریڈ محدود پیمانے پر کرنے کا فیصلہ
اسلام آباد (سٹاف رپورٹر ) 23 مارچ کو یوم پاکستان پریڈ محدود پیمانے پر روایتی جوش و جذبے کے ساتھ منعقد کرنے کا فیصلہ کیا گیا ہے ،ذرائع کے مطابق یوم پاکستان پریڈ کو محدود پیمانے پر کرنے کا فیصلہ رمضان المبارک کے باعث کیا گیا ہے ۔
ذرائع کے مطابق پریڈ میں تینوں مسلح افواج کے دستے بھرپور شرکت کریں گے ، یوم پاکستان پریڈ ایوان صدر کے احا طہ میں منعقد کی جائے گی، صدر زرداری تقریب کے مہمان خصوصی ہوں گے ۔ذرائع کے مطابق پریڈ میں مسلح افواج کے دستے مہمان خصوصی کو سلامی پیش کریں گے جبکہ پاک فضائیہ کے لڑاکا طیارے ایوان صدر کے سامنے فلائی پاسٹ کریں گے ۔ پریڈ میں پاکستان آرمی کا مایہ ناز پائپ اینڈ پرکشن بینڈ اپنے فن کا مظاہرہ کرے گا، تقریب میں غیرملکی سفیروں اور دیگر اہم شخصیات کو بھی مدعو کیا گیا ہے ۔
روزنامہ دنیا ایپ انسٹال کریں
