پی ٹی آئی کی مینار پاکستان جلسے کی درخواست پر ڈی سی لاہور سے آج جواب طلب
لاہور ( کورٹ رپورٹر ،دنیا نیوز) لاہور ہائیکورٹ نے پی ٹی آئی کی 22 مارچ کو مینار پاکستان پر جلسے کی اجازت کی درخواست پر ڈپٹی کمشنر لاہور کو آج تک جواب جمع کرانے کی ہدایت کر دی۔
جسٹس فاروق بندیال نے رہنما تحریک انصاف اکمل باری کی درخواست پر سماعت کی۔عدالت نے استفسار کیا کہ ڈپٹی کمشنر نے جواب جمع کیوں نہیں کرایا جس پر سرکاری وکیل نے جواب دیا کہ ڈپٹی کمشنر کے جواب کی ضرورت نہیں ہے ، دیگر فریقین کے جواب آ گئے ہیں۔عدالت نے ہدایت کی کہ آج تک ڈپٹی کمشنر لاہور بھی تحریری جواب جمع کرائیں۔
روزنامہ دنیا ایپ انسٹال کریں
