ہارورڈ لا سکول انٹرن شپ سے سپریم کورٹ کا کوئی تعلق نہیں:اعلامیہ
اسلام آباد (مانیٹرنگ ڈیسک) سپریم کورٹ نے ہارورڈ لا سکول میں انٹرن شپ پروگرام سے متعلق وضاحت جاری کی ہے ۔
جاری اعلامیے میں کہا گیا ہارورڈ لا سکول انٹرن شپ سے سپریم کورٹ کا کوئی تعلق نہیں، کچھ حلقوں کے مطابق سپریم کورٹ انٹرن شپ پروگرام کروا رہی ہے ، اعلامیے میں کہا گیا سپریم کورٹ اس قسم کے کسی پروگرام کی معاونت نہیں کر رہی، ایسے جعلی پروگرام کے حوالے سے معلومات ملنے پر طلبہ رجسٹرار آفس سے رابطہ کریں۔ سپریم کورٹ سالانہ انٹرن شپ پروگرام کرواتی ہے جو باقاعدہ طریقہ کار کے تحت سینئر ججز کی کمیٹی کی زیرنگرانی ہوتا ہے ۔
روزنامہ دنیا ایپ انسٹال کریں
