پی ٹی آئی وفد کی ایرانی سفیر سے ملاقات، عمران کایکجہتی پیغام پہنچایا
اسلام آباد (نیوز ایجنسیاں )پی ٹی آئی سینیٹر بیرسٹر علی ظفر نے کہا کہ پاکستان ہر مشکل گھڑی میں ایرانی قوم کے ساتھ کھڑا ہے ۔
بیرسٹر علی ظفر کی قیادت میں وفد نے ایرانی سفارت خانے کا دورہ کیا اور ایرانی سفیر سے ملاقات ہوئی جس میں دو طرفہ سیاسی امور پر مشاورت ہوئی، پی ٹی آئی وفد میں علامہ ناصر عباس، عون عباس بپی، فوزیہ ارشد اور سیف اللہ نیازی شامل تھے ۔اس موقع پر بیرسٹر علی ظفر نے کہا کہ ہمارا وفد پاکستان کی جانب سے ایران کے لیے اظہارِ یکجہتی کا پیغام لایا ہے ۔ پاکستان ہر مشکل گھڑی میں ایرانی قوم کے ساتھ کھڑا ہے ۔انہوں نے اسرائیلی جارحیت کے خلاف ایرانی سفیر کو بانی پی ٹی آئی کی جانب سے یکجہتی کا پیغام بھی پہنچایا۔ علامہ راجہ ناصر عباس نے مزید کہا کہ اسرائیلی ظلم اور بربریت کے خلاف پوری امت مسلمہ یکجا ہے ۔
روزنامہ دنیا ایپ انسٹال کریں
