پشاور :معمولی تکرار پر باپ نے بیٹے اور بہو کو قتل کردیا
پشاور(این این آئی)تنگی کے علاقے گل آباد میں معمولی تکرار پر باپ نے بیٹے اور بہو کو گولی مار کر قتل کردیا۔
پولیس کے مطابق خیبر پختونخوا کی تحصیل تنگی کے علاقے گل آباد میں خٹانوں کلے کے رہائشی باپ بیٹے میں معمولی تکرار کا افسوس ناک انجام سامنے آیا، جس میں باپ نے بیٹے اور بہو کو گولی مار کر قتل کردیا۔اطلاع ملنے پر پولیس نے جائے وقوعہ پر پہنچ کر شواہد اور دیگر بیانات کی روشنی میں تحقیقات شروع کرد یں ۔پولیس کے مطابق تنگی گل آباد خٹانوں کلے کے رہائشی جہانگیر شاہ نے گھریلو جھگڑوں سے تنگ آ کر اپنے بیٹے سلطان شاہ اور بہو کو گولی مار کر قتل کر دیا ،پولیس نے جہانگیر شاہ کے خلاف دوہرے قتل کا مقدمہ درج کر کے تفتیش شروع کردی جب کہ ملزم واردات کے بعد فرار ہوگیا ، وا قعہ کے بعد علاقے میں سوگ کی فضا ہے ۔
روزنامہ دنیا ایپ انسٹال کریں
