پاکستان ،پولینڈ کا تجارت، سرمایہ کاری میں تعاون بڑھانے پر اتفاق
اسلام آباد(آئی این پی ) پاکستان اور پولینڈ نے تجارت، سرمایہ کاری، توانائی، دفاع اور تعلیم سمیت دیگر شعبوں میں تعاون بڑھانے پر اتفاق کیا ہے ۔
ترجمان دفتر خارجہ شفقت علی خان نے ایک بیان میں کہا ہے کہ پاکستان اور پولینڈ کے درمیان سیاسی مشاورت کا نواں دور وارسا میں ہوا۔ پاکستانی وفد کی قیادت ایڈیشنل سیکرٹری یورپ محمد ایوب نے کی جبکہ پولش وفد کی قیادت سیکرٹری آف سٹیٹ ولادیسواف بارتوسزوفسکی نے کی۔ملاقات میں پاکستان اور پولینڈ نے دو طرفہ تعلقات کا جامع جائزہ لیا، اعلیٰ سطح دوروں، پارلیمانی تبادلوں اور مسلسل مکالمے پر زور دیا گیا۔ جنوبی ایشیا، مشرق وسطیٰ اور یورپ کی صورتِ حال پر تفصیلی تبادلہ خیال کیا گیا۔ملاقات میں اقوام متحدہ سمیت عالمی فورمز پر تعاون جاری رکھنے پر بھی اتفاق کیا گیا۔ مشاورت کا اگلا دور 2026 میں اسلام آباد میں ہو گا۔
روزنامہ دنیا ایپ انسٹال کریں
