سپریم کورٹ: ججز سنیارٹی کیس میں فیصلے کیخلاف مزید 2انٹرا کورٹ اپیلیں دائر
اسلام آباد(آئی این پی)سپریم کورٹ میں ججز سنیارٹی کیس میں عدالتی فیصلے کیخلاف مزید 2 انٹرا کورٹ اپیلیں دائر کردیگئیں۔
اپیلیں کراچی بار اور شعیب شاہین کی جانب سے دائر کی گئی ہیں، انٹرا کورٹ اپیلوں میں ججز سنیارٹی کیس کا 19 جون کا فیصلہ کالعدم قرار دینے کی استدعا کرتے ہوئے موقف اپنایا گیا ہے کہ سپریم کورٹ نے آئین کی درست تشریح نہیں کی، سپریم کورٹ نے آرٹیکل 200 میں لفظ مستقل تبادلے کو ازخود اخذ کیا، آئین میں ججز کے مستقل تبادلے کا کوئی تصور نہیں، ججز کی اسامیوں پر تعیناتی جوڈیشل کمیشن کے ذریعے ہی ممکن ہے ، عدالت کا یہ قرار دینا کہ تبادلے سے بھی اسامی پر تعیناتی ہو سکتی خلاف آئین ہے ، ججز کی سنیارٹی طے کرنا صدر مملکت کا اختیار نہیں۔
روزنامہ دنیا ایپ انسٹال کریں
