راول ڈیم بھر گیا ،سپل ویز آج کھولے جائینگے
اسلام آباد (خصوصی رپورٹر) وفاقی دارالحکومت میں مون سون بارشوں کے باعث راول ڈیم میں پانی کی سطح بلند ترین پوائنٹ پر پہنچ گئی۔
پانی کی سطح 1 ہزار 748 فٹ تک پہنچنے پر سپل ویز کھولنے کا فیصلہ کیا گیا ہے ، ضلعی انتظامیہ کے مطابق سپل ویز آج بروز اتوار صبح 6 بجے کھولے جائیں گے ،پانی کی سطح 1 ہزار 746 فٹ تک کرنے کے لیے سپل ویز 5 گھنٹوں کے لیے کھولے جائیں گے ۔ ضلعی انتظامیہ نے تمام متعلقہ اداروں کو احتیاطی تدابیر اختیار کرنے کی ہدایت کی ہے جبکہ ملحقہ علاقوں کے رہائشیوں سے بھی احتیاطی تدابیر اختیار کرنے کی ہدایت کی گئی ہے ۔
روزنامہ دنیا ایپ انسٹال کریں
