نوجوان ملک کا مستقبل، قوم کو آپ پر فخر : لیفٹیننٹ جنرل احمد شریف
راولپنڈی (دنیا نیوز) آئی ایس پی آر سمر انٹرنشپ 2025 کامیابی سے جاری، ملک کی 150 سے زائد جامعات اور تعلیمی اداروں کے 33 شہروں سے 6500 سے زائد طلبا و طالبات شریک ہیں جو نوجوان نسل کے عزم و جذبے کی بھرپور عکاسی کرتے ہیں۔
ڈی جی آئی ایس پی آر لیفٹیننٹ جنرل احمد شریف چودھری نے سمر انٹرنشپ میں شریک طلبہ سے خصوصی نشست میں گفتگو کرتے ہوئے نوجوانوں کے جذبے کو سراہا اور کہا پاکستان کی نوجوان نسل ملک کا مستقبل ہے اور قوم کو آپ پر فخر ہے ۔ طلبہ نے پاک افواج سے والہانہ عقیدت کا اظہار کرتے ہوئے کہا ہمیں پاک افواج پر فخر ہے ، کوئی ہمیں اپنی افواج سے جدا نہیں کر سکتا، دشمن عناصر کی کوئی بھی ناپاک کوشش کامیاب نہیں ہونے دی جائے گی۔ طلبہ نے آپریشن ‘بنیان مرصوص’ میں پاک افواج کے بھارت کو دیئے گئے منہ توڑ جواب کو تاریخی قرار دیا اور کہا یہ جرأت و بہادری کا وہ باب ہے جسے تاریخ میں ہمیشہ یاد رکھا جائے گا۔ نوجوانوں نے عزم ظاہر کیا کہ وہ پاکستان کے دفاع میں افواج پاکستان کے شانہ بشانہ کھڑے رہیں گے۔
