دلچسپ معلومات
اسپیشل فیچر
وہیل اور کوے کی اوسط عمر 500 سال تک ہوتی ہے۔ فرانس کے 18بادشاہوں کا نام لوئیس تھا۔ دنیا میں سب سے پہلا گھر کعبہ کو کہا جاتا ہے، جس کو اوّل طور پر فرشتوں نے تعمیر کیا۔ ربڑ کے زیادہ تر درخت جنوب مشرقی ایشیا میں پائے جاتے ہیں۔ اگر موٹے گلاس میں گرم مشروب ڈال دیا جائے تو پتلے گلاس کی نسبت اس کے ٹوٹنے کے امکانات زیادہ ہوتے ہیں۔ انسان جب پیدا ہوتا ہے تو اس کے جسم میں 300 ہڈیاں ہوتی ہیں ،جو بالغ ہونے تک صرف 206 رہ جاتی ہیں۔ اٹھارویں صدی میں کیچپ بطور دواء استعمال ہوتا تھا۔ دنیا کا سب سے غریب ملک روانڈا ہے۔ کھانسنے اور چھینکنے پر جسم سے ہوا آواز کی رفتار سے زیادہ تیزی سے نکلتی ہے۔ سمندر کی زیادہ سے زیادہ گہرائی قریباً11 کلومیٹر (10923میڑ ) ریکارڈ کی گئی ہے۔ فرانس کے شہر پیرس میں کتوں کا سب سے بڑا قبرستان ایمنی ریس ہے ،جس میں چالیس ہزار سے زائد کتے دفن ہیں۔ بھارت کی ریاست پرتاب گڑھ کے ہندو مہاراجہ نے ایک جنگ میں ریاست گروارا کے ہندو راجہ کو شکست دینے کے بعد وہاں کی رعایا کو ذلیل کرنے کیلئے ایک گیدڑ کو تاج پہنا کر بارہ برس تک ریاست گروارا کا راجہ بنائے رکھا۔ شمالی امریکہ میں سانپ کی ایک ایسی قسم پائی جاتی ہے، جسے شیشے کا سانپ کہتے ہیں اس کو پکڑنا انتہائی مشکل ہے کیونکہ اس کو جیسے ہی چھوا جائے تو یہ اپنے آپ کو ٹکڑوں میں تقسیم کرکے ہلاک ہو جاتا ہے۔ آسٹریلیا کے بعض علاقوں میں ایسے بکرے پائے جاتے ہیں،جو مچھلیاں کھاتے ہیں اور درختوں پر بھی چڑھ جاتے ہیں۔ دنیا کی سب سے بڑی چھپکلی کا نام مورڈریگون ہے۔اس کی لمبائی ساڑھے تین میٹر ہے یہ انڈونیشیا میں ہے اس کا وزن 135 کلو گرام ہے۔ برازیل میں ایسے مینڈک پائے جاتے ہیں جن کی آنکھوں کے اوپر چھوٹے چھوٹے سینگ ہوتے ہیں اور وہ کتوں کی طرح بھونکتے ہیں اور اگر گھوڑے کو کاٹ لیں تو وہ مر جاتا ہے۔ جنوبی امریکہ میں ایک ایسی نسل کا بندر پایا جاتا ہے، جس کے جسم کی لمبائی قریباً ساڑھے پانچ انچ ہوتی ہے اس نسل کے بالغ بندروں کا وزن، عام طور پرقریباً دو سو پچاس گرام ہوتا ہے یہ بندر درختوں پر رہتے ہیں کیڑے مکوڑے یا درختوں کے پھل کھا کر گزارہ کرتے ہیں۔ لوبسٹر ایک کیڑے کا نام ہے، اسے حیرت انگیز کیڑا بھی کہتے ہیں اس کی دو آنکھیں ہوتی ہیں اور ہر آنکھ میں تیرہ ہزار عدسے اور تیرہ ہزار اعصابی ریشے ہوتے ہیں اگر لوبسٹر کی آنکھ ضائع بھی ہوجائے تو یہ آنکھ نئے سرے سے پھر پیدا ہو جاتی ہے ۔ یہ تو آپ جانتے ہیں کہ تمام پرندے اپنی اپنی بولیاں بولتے ہیں، لیکن آپ یقین کیجئے کہ ایک ایسا پرندہ بھی ہے، جو بولتا نہیں،اسے آپ گونگا پرندہ کہہ سکتے ہیں اس پرندے کا نام سارس ہے۔ دنیا میں سب سے پہلے ٹی وی کا کامیاب تجربہ 1925ء میں ہوا۔ چمگادڑ کی ایک ایسی خونخوار قسم بھی پائی جاتی ہے، جو سوئے ہوئے جانور کے جسم میں سوراخ کرکے اس کا خون چوس لیتی ہے اور اس جانور کو خبر بھی نہیں ہوتی۔ انسانوں کے برعکس بھیڑ کے چار معدہ ہوتے ہیں اور ہر معدہ انہیں خوراک ہضم ہونے میں مدد دیتا ہے۔ پینگوئن اپنی زندگی کا آدھا حصہ پانی میں گزارتے ہیں اور آدھا زمین (خشکی) پر۔ دنیا میں سب سے بڑا انڈہ شارک دیتی ہے۔ سائنس دانوں کے مطابق سورج کا زمین سے اوسط فاصلہ قریباً 14,95,98,000 کلومیٹر یا 9,29,55,807 میل ہے اور اس کی روشنی کو زمین تک پہنچنے میں 8 منٹ 19 سیکنڈ لگتے ہیں۔ Rafflesia Arnoldi، دنیا میں سب سے بڑا پھول ہے جس کا وزن7 کلو (15 پاؤنڈ) ہوتا ہے اور یہ صرف انڈونیشیا کے سماٹرا اور بورنیو جزیرے پایا جاتا ہے۔ اس کی پنکھڑیاں 1.6 فُٹ (1 میٹر) طویل اور 1 انچ (2.5 سینٹی میٹر) تک موٹی ہوتی ہیں۔یک ہیرا زمین پر سب سے زیادہ سخت معدنیات، کورنڈم جس سے یاقوت اور نیلم بنتے ہیں،سے 58 گنا زیادہ سخت ہے۔یہ پندرہویں صدی کی بات ہے جب یہ پتا چلا کہ ہیرے کو کاٹنے کا واحد طریقہ ،ہیرے کو دوسرے ہیرے کے ساتھ ہی کاٹا جا سکتا ہے۔ دنیا کا سب سے بڑا شہاب ثاقب 1920ء میں نم بیا افریقا میں گرا تھا، جو آج تک موجود ہے، جس کے وزن کا اندازہ ساٹھ ہزار کلوگرام لگایا گیا ہے۔ پہلے یہ سوچا جاتا تھا کہ قوسِ قزح یادھنک کبھی رات کو نظرنہیں آتی کیونکہ یہ سورج کی روشنی سے وجود میں آتی ہے، لیکن اب تحقیق سے معلوم ہو ا ہے کہ یہ رات میں بھی نظر آتی ہیں اور انہیں چاند یا قمری قوسِ قزح کے طور پر جانا جاتا ہے۔ایک چاندیا قمری قوسِ قزح دیکھنے کیلئے کئی حالات موافق ہونا ضروری ہے۔
