حکومت کا جان شیر خان کیلئے ماہانہ ایک لاکھ امداد کا اعلان
پشاور(اسپورٹس ڈیسک ) نگران حکومت نے سکواش کے سابق عالمی چیمپئن جان شیر خان اور اُن کی اہلیہ کے علاج کیلئے ماہانہ ایک لاکھ روپے امداد کا اعلان کردیا۔نگران حکومت کا کہنا ہے کہ جان شیر خان اور ان کی اہلیہ کے علاج کیلئے تاحیات امداد دی جائے گی۔۔
جان شیر کے لیے امدادی کی منظوری کابینہ کے اجلاس میں دی جائے گی۔واضح رہے کہ 8 مرتبہ کے عالمی چیمپئن اور 6 مرتبہ برٹش اوپن سکواش چیمپئن شپ شپ جیتنے والے جان شیر خان پُراسرار اور نایاب بیماری پارکنسن کا شکار ہیں جس کا پاکستان میں فی الحال علاج ممکن نہیں ہے ۔عالمی طبی ماہرین بھی بس ادویات کے ذریعے وقت کو دھکا دے رہے ہیں کیونکہ علاج کے معاملے میں عالمی سطح پر بھی کوئی پیشرفت سامنے نہیں آسکی ۔
روزنامہ دنیا ایپ انسٹال کریں
