ٹی 20 ورلڈکپ : پاک انگلینڈ وارم اَپ میچز خطرے میں
لاہور(سپورٹس ڈیسک )پاکستان اور انگلینڈ کی ٹیمیں ٹی20 سیریز کے باعث ویسٹ انڈیز اور امریکا میں شیڈول ورلڈکپ کے وارم اَپ میچز سے محروم ہوسکتی ہیں ۔۔
دونوں ٹیمیں آئی سی سی ٹی20 ورلڈکپ سے قبل 22 مئی کو مدمقابل آئیں گی جبکہ سیریز کا اختتام 30 مئی کو ہوگا۔پاکستان ٹورنامنٹ کا باقاعدہ آغاز میزبان ملک امریکا کیخلاف میچ سے کرے گا، جو 6 جون کو شیڈول ہے جبکہ قومی ٹیم اگلا میچ روایتی حریف بھارت کیخلاف 9 جون، کینیڈا کیخلاف 12 جون اور آخری گروپ میچ آئرلینڈ کیخلاف 16 جون کو مدمقابل آئے گی۔اسی طرح انگلش ٹیم اپنے ٹی20 ورلڈکپ مہم کا آغاز ویسٹ انڈیز سے کرے گی جہاں وہ 4 جون کو سکاٹ لینڈ، 8 جون کو آسٹریلیا، 14 جون کا عمان اور 15 جون کو نمیبیا کے خلاف میدان میں اُترے گی۔آئی سی سی نے میگا ایونٹ کیلئے وارم اَپ میچز کا تاحال اعلان نہیں کیا ہے تاہم ذرائع کا کہنا ہے کہ یکم جون سے شروع ہونے والے میگا ایونٹ کے وارم اپ میچز 25 اور 26 مئی کو رکھے جاسکتے ہیں۔انٹرنیشنل کرکٹ کونسل کی جانب سے اِن تاریخوں کو میچز رکھے گئے تو پاکستان اور انگلینڈ کی ٹیمیں وارم اَپ میچز کھیلنے سے محروم رہ سکتی ہیں۔
