وہاب ریاض کا الزامات لگانے والے صحافی کو لیگل نوٹس، 50کروڑ ہرجانے کا دعویٰ
لاہور(سپورٹس ڈیسک )پاکستان ٹیم کے سینئر منیجر وہاب ریاض نے الزامات لگانے والے صحافی کو لیگل نوٹس بھیج دیا۔
وہاب ریاض نے نوٹس صحافی کے وی لاگ میں لگائے جانے والے الزامات پر بھیجا۔لیگل نوٹس میں وہاب ریاض نے 50کروڑ روپے ہرجانے کا دعویٰ دائر کیا ہے ، لیگل نوٹس میں کہا گیا ہے کہ الزامات لگانے پر 14 دن کے اندر معافی مانگیں، معافی نہ مانگی جانے کی صورت میں قانونی کارروائی کا آغاز کیا جائے گا۔نوٹس کے متن کے مطابق الزامات سے وہاب ریاض کی عزت کو داغدار کرنے کی کوشش کی گئی۔ اس سے پہلے بابر اعظم نے بھی ایک ارب روپے ہرجانے کا دعویٰ دائر کر رکھا ہے ۔
روزنامہ دنیا ایپ انسٹال کریں
