بابراعظم دنیا کے ’’بہترین بلے بازوں‘‘میں سے ایک قرار
لاہور(سپورٹس ڈیسک )قومی ٹیسٹ ٹیم کے کپتان شان مسعود نے بابراعظم کو دنیا کے بہترین بلے بازوں میں سے ایک قرار دیدیا۔
کرک انفو دیئے گئے انٹرویو میں انہوں نے کہا کہ دنیا کا کوئی بھی کھلاڑی یہ نہیں کہہ سکتا کہ بابراعظم کا مستقبل خطرے میں ہے ، انکے طویل فارمیٹ میں "عظیم ترین بلے بازوں میں سے ایک" بننے کی تمام خوبیاں موجود ہیں۔ انگلینڈ کیخلاف مختصر وقفے کے بعد ہم بابراعظم کو ایک مضبوط کھلاڑی کے طور پر واپس دیکھیں گے ، کسی بھی کرکٹر پر ایسا وقت آسکتا ہے اور اس سے نکلنے کی ایک وقفہ ضروری ہے ، بابر ہمیشہ پاکستان کے اہم کھلاڑیوں میں سے ایک رہیں گے ۔خیال رہے کہ بابراعظم آخری 9 ٹیسٹ میچز کی 17 اننگز میں20.71 کی اوسط سے صرف 352 سکور کرسکے ہیں، جس میں ان کا بہترین سکور 41 ہے ۔ 55 ٹیسٹ میچوں میں بابر نے 43,92 کی اوسط سے 3,997 رنز بنائے ہیں جن میں 9 سنچریوں اور 26 رنز ہیں۔
