ٹیسٹ پلیئرز رینکنگ ، بابر اعظم اور رضوان کی تنزلی
دبئی (سپورٹس ڈیسک)انٹرنیشنل کرکٹ کونسل نے ٹیسٹ پلیئرز کی رینکنگ جاری کر دی۔آئی سی سی کی جانب سے جاری کردہ رینکنگ کے مطابق ٹیسٹ بیٹرز میں انگلینڈ کے جو روٹ کا پہلا نمبر برقرار ہے۔۔
ٹیسٹ بیٹرز کی رینکنگ میں انگلینڈ کے ہیری بروک کا دوسرا اور نیوزی لینڈ کے کین ولیمسن کا تیسرا نمبر ہے ۔بھارت کے یشوی جیسوال ایک درجے ترقی کے بعد چوتھے نمبر پر آ گئے جبکہ آسٹریلیا کے ٹریوس ہیڈ چوتھے سے پانچویں نمبر پر چلے گئے ۔پاکستان کے سعود شکیل 3 درجے ترقی کے بعد چھٹے نمبر اور آسٹریلیا کے سٹیو ن سمتھ 3 درجے ترقی کے بعد ساتویں نمبر پر آ گئے ۔ٹیسٹ بیٹرز کی رینکنگ میں بابر اعظم 2 درجے تنزلی کے بعد 17 ویں نمبر پر چلے گئے ۔اس کے علاوہ محمد رضوان کی 2 جبکہ سلمان آغا کی رینکنگ میں 5 درجے تنزلی ہوئی ہے دونوں بیٹر 21 ویں اور 23 ویں نمبر پر آ گئے ہیں۔ٹیسٹ بالرز میں بھارت کے جسپریت بمرا کا پہلا نمبر برقرار ہے ۔جنوبی افریقا کے مارکو جینسن 6 درجے ترقی کے بعد پانچویں نمبر پر آ گئے جبکہ پاکستان کے نعمان علی 1 درجے تنزلی کے بعد 9 ویں نمبر پر چلے گئے ۔ٹیسٹ آل راؤنڈرز میں رویندرا جڈیجا کا پہلا نمبر برقرار ہے اور آسٹریلیا کے پیٹ کمنز 4 درجے ترقی کے بعد تیسرے نمبر پر آ گئے ۔
