تیسراٹی 20:سری لنکانے نیوزی لینڈکوہرادیا،سیریز کیویزکے نام
ویلنگٹن (سپورٹس ڈیسک )سری لنکا نے تیسرے اور آخری ٹی 20 میں نیوزی لینڈ کو 7 رنز سے شکست دے دی ۔
تین میچوں کی سیریز 1-2 سے نیوزی لینڈ کے نام رہی۔ سری لنکا کے کوسل پریرا کو میچ جبکہ نیوزی لینڈ کے جیکب ڈفی کو سیریز کا بہترین کھلاڑی قرار دیا گیا۔سری لنکا نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 218 رنز بنائے ۔ کوسل پریرا نے دھواں دار 101 رنز کی اننگز کھیلی ۔کپتان چارتھ اسالنکا 46رنز کے ساتھ دوسرے نمایاں بلے باز رہے ۔ نیوزی لینڈ کی ٹیم مطلوبہ ہدف حاصل کرنے میں ناکام رہی اور اورمقررہ 20اوورز میں 7 وکٹوں کے نقصان پر 211 رنز بناسکی ۔ سری لنکا کی جانب سے عمدہ باؤلنگ کا مظاہرہ کرتے ہوئے کپتان چارتھ اسالنکا نے تین جبکہ وینندو ہسرنگا نے دو کھلاڑیوں کو آؤٹ کیا۔
روزنامہ دنیا ایپ انسٹال کریں
