محمد یوسف نے شکست کا ذمہ دار بولرز کو قرار دے دیا
نیپیئر(سپورٹس ڈیسک )قومی ٹیم کے بیٹنگ کوچ محمد یوسف نے نیوزی لینڈ کے خلاف پہلے ون ڈے میں پاکستان کی شکست کا ذمہ دار بولرز کو قراردے دیا۔
نیوزی لینڈ میں پریس کانفرنس کرتے ہوئے انہوں نے کہاکہ اوپنرز نے اچھے سٹرائیک ریٹ سے آغاز کیا اور مڈل میں بھی سلمان آغا اور بابر نے میچ بنالیا تھا لیکن 40ویں اوور میں اوپر نیچے دو وکٹیں گر جانے سے پریشربڑھ گیا۔ صبح کے وقت ٹریک بولنگ کیلئے سازگارتھا، مارک چیپ مین اور ڈیرل مچل نے عمدہ اننگزکھیلی، محمد عباس نے بھی اچھا سکورکرکے ہدف کو آسان بنا دیا۔صحافی کے سوال پر سلمان آغا اور عرفان نیازی کا نام لیے بغیر کہا کہ دونوں پارٹ ٹائم بولرز مہنگے ثابت ہوئے ، 43 رنزبولرز نے اضافی دیئے جس کو کنٹرول کرناہوگا اور کوچز جائزہ لیں گے کہ اتنے رنز کیوں پڑ گئے ۔ دوسرے ون ڈے سے قبل دیکھیں گے پانچویں بولرکی ضرورت ہے یا نہیں؟ آل راؤنڈر کو کھلانا ہے یا ایک مکمل بولر کو پلیئنگ الیون میں رکھنا ہے ٹیم مینجمنٹ اگلے میچ میں بولنگ یونٹ کا جائزہ لے گی۔بیٹنگ کوچ ٹیم کی سلیکشن سے متعلق سوال ٹال گئے اورکہاکہ اس وقت پلیئنگ الیون پر بات کرنا مناسب نہیں، میچ کا نتیجہ کچھ اور ہوتا تو یہ فیصلہ اچھا بھی ہوسکتاتھا۔
