مسلح افواج سے اظہار یکجہتی کیساتھ پی ایس ایل کا دوبارہ آغاز
راولپنڈی(سپورٹس رپورٹر)پی ایس ایل 10 کا میلہ راولپنڈی کرکٹ سٹیڈیم میں دوبارہ سج گیا۔ کراچی کنگز اور پشاور زلمی کے درمیان میچ سے قبل کھلاڑیوں، آفیشلز اور شائقین نے مسلح افواج سے بھرپور یکجہتی کا اظہار کیا۔
پاکستان کی بہادر مسلح افواج کو زبردست خراج تحسین پیش کیا گیا۔چیئرمین پاکستان کرکٹ بورڈ محسن نقوی نے بھی مسلح افواج کو خراج تحسین پیش کرنے کی تقریب میں شرکت کی۔ میچ کے آغاز سے قبل شہدائے وطن کی عظیم قربانیوں کو خراج عقیدت بھی پیش کیا گیا۔ قومی ترانے پر پاکستان زندہ باد کے نعرے ، سٹیڈیم میں قومی پرچموں کی بہار نے سماں باندھ دیا جبکہ آتش بازی کا شاندار مظاہرہ بھی کیا گیا۔اس دوران سٹیڈیم میں موجودہ شائقین کرکٹ پاکستان زندہ باد اورپاک فوج زندہ بادکے نعرے لگاتے رہے ۔
روزنامہ دنیا ایپ انسٹال کریں
