بھارت،کمبھ کا میلہ، 300 کلو میٹر طویل ٹریفک جام
ممبئی(نیٹ نیوز)کمبھ کے میلے کے باعث بھارت میں 300 کلومیٹر طویل ٹریفک جام میں48 گھنٹے گاڑیاں پھنسی رہیں۔
۔بھارتی میڈیا کی رپورٹ کے مطابق مہا کمبھ کے میلے میں شرکت کے لیے جانے والے ہزاروں افراد 300 کلو میٹر طویل ٹریفک جام میں پھنسے رہے ۔رپورٹ میں بھارتی پولیس کا حوالہ دیتے ہوئے بتایا گیا ہے کہ ٹریفک کو منظم کرنے میں مشکل محسوس کرتے ہوئے ریاست مدھیا پردیش کے کئی اضلاع میں پولیس نے ریاست اتر پردیش کے شہر پریاگ راج جانے والے راستے پر گاڑیوں کی آمد و رفت روک دی۔بھارتی پولیس کے مطابق پریاگ راج کی طرف جانا ناممکن ہے کیونکہ وہاں 200 سے 300 کلومیٹر طویل ٹریفک جام ہے ۔بھارتی پولیس نے ٹریفک جام کی وجہ بتاتے ہوئے کہا ہے کہ یہ ٹریفک جام ہفتے کے آخر میں رش کی وجہ سے ہوا تھا، کچھ دنوں میں صورتِ حال میں بہتری آنے کا امکان ہے ۔
روزنامہ دنیا ایپ انسٹال کریں
