عاشق مزاج شخص ایک ہی شادی میں دو دلہنیں بیاہ لایا!
ممبئی(نیٹ نیوز)بھارت میں تلنگانہ کے ضلع کومرم بھیم آصف آباد میں ایک نوجوان نے ایک ہی وقت اور ایک ہی منڈپ میں دو لڑکیوں سے شادی رچالی۔
گمنور گاؤں کے رہائشی سوریا دیو نے کہاکہ وہ لال دیوی اور جھلکاری دیوی دونوں سے محبت کرتا تھا، اور اسی لیے اس نے ایک ہی تقریب میں دونوں سے شادی کرنے کا فیصلہ کیا۔بھارتی میڈیا کے مطابق سوریا دیو نے اپنی شادی کے دعوت نامے پر بھی دونوں دلہنوں کے نام چھپوائے اور ایک شاندار تقریب کا اہتمام کیا۔شادی کی ایک ویڈیو میں دیکھا جاسکتا ہے کہ دونوں دلہنیں دلہے کا ہاتھ پکڑے منڈپ میں آگ کے گرد پھیرے لینے کی رسم ادا کر رہی ہیں، جبکہ ان کے گھر والے، رشتے دار اور گاؤں والے بھی موجود ہیں۔ واضح رہے کہ ہندوؤں کے لیے ایک وقت میں ایک سے زیادہ شادیاں کرنا غیر قانونی ہے۔
روزنامہ دنیا ایپ انسٹال کریں
