محبت کے متلاشی نے 6.3 کروڑ روپے کی جمع پونجی گنوا دی
ممبئی (نیٹ نیوز)محبت کی تلاش میں بھارتی شخص نے زندگی بھر کی 6.3 کروڑ روپے کی جمع پونجی گنوا دی۔
بھارتی ریاست نوئیڈا کے رہائشی دلجیت سنگھ نامی طلاق یافتہ شخص نے محبت کی تلاش میں ڈیٹنگ ایپ جوائن کی،جس پر ان کی ملاقات انیتا نامی خاتون سے ہوئی، دلجیت کے مطابق خاتون نے مبینہ طور پر انہیں بعض کمپنیوں میں سرمایہ کاری کا مشورہ دیا۔جس پر میں نے ابتداً 3.2 لاکھ کی سرمایہ کاری کی اور مجھے 1 گھنٹے میں 24 ہزار روپے کا فائدہ ہوا۔ میں نے اس پر بھروسہ کر کے جمع پونجی سے 4.5 کروڑ اور بینک سے 2 کروڑ کا قرضہ لیکر 3 مختلف کمپنیوں میں سرمایہ کاری کی اور جب منافع نکالنے لگا تو پتہ چلا کہ 2 کمپنیاں پہلے ہی بند ہو چکی ہیں جبکہ تیسری کمپنی نے منافع نکالنے کیلئے رقم کا 30 فیصد منتقل کرنے کا مطالبہ کیا، میں نے انکار کیا تو انہوں نے رابطہ منقطع کر دیا۔
روزنامہ دنیا ایپ انسٹال کریں
