ٹریفک چالان کیخلاف ChatGPT کی مدد سے مقدمہ جیت لیا
الماتی (نیٹ نیوز)قازقستان کے ایک 23 سالہ نوجوان نے ملک کی تاریخ میں پہلی بار ChatGPT کی مدد سے ٹریفک چالان کے خلاف عدالت میں مقدمہ لڑا اور جیت گیا۔دسمبر 2024 میں کنزبیک اسماعیلیوف اپنی والدہ کو ہسپتال لے جا رہے تھے۔۔۔
جب الماتی شہر کی ایک سڑک پر اچانک ایک گاڑی رک گئی اور پوری لین کو بلاک کردیا۔چونکہ یہ سڑک کی واحد کار لین تھی لہٰذا کنزبیک کے پاس دو ہی راستے تھے ؛ یا تو وہ بس لین کے ذریعے رُکی ہوئی گاڑی کو کراس کریں، یا پھر وہیں رُک کر پوری ٹریفک جام کردیں۔انہوں نے پہلا آپشن منتخب کیا۔ کنز بیک نے چالان کے خلاف شکایت درج کروائی، کنزبیک اسماعیلیوف نے وکیل پر پیسہ خرچ کرنے کے بجائے ChatGPT سے قانونی مشورہ لینے کا فیصلہ کیا۔ انہوں نے آرٹیفیشل انٹیلی جنسی کو اپنی پوری صورتحال بتائی ۔ChatGPT نے انہیں عدالت میں مقدمہ دائر کرنے کا مشورہ دیا اور عدالتی کاغذات بھی تیار کرکے دیئے ۔
