مجھے کیوں نہیں بٹھایا؟ بضد شخص اڑتے ہیلی کاپٹر سے لٹک گیا
ٹورنٹو(نیٹ نیوز)کینیا میں ایک شخص ہیلی کاپٹر میں نہ بٹھانے پر اڑتے ہیلی کاپٹر سے لٹک گیا، یہ واقعہ میگوری کاؤنٹی کے ریپوگی گاؤں میں ایک شادی کی تقریب کے دوران سامنے آیا۔
میڈیا رپورٹس کے مطابق 28سالہ اسٹیفن نامی شخص پیشے کے اعتبار سے مکینک ہے جس نے ہیلی کاپٹر کے مسافروں سے پیسے مانگے ، انکار پر اس نے ہیلی کاپٹر میں سوار ہونے کی فرمائش کی جس پر اسے دوبارہ منع کردیا گیا۔جیسے ہی ہیلی کاپٹر نے اڑان بھری تو اسٹیفن اڑتے ہیلی کاپٹر پر لٹک گیا جس کی ویڈیو بھی سوشل میڈیا پر وائرل ہورہی ہے۔ اس حوالے سے پولیس نے بتایا کہ اسٹیفن کی اس حرکت پر پائلٹ کو فوری ایمرجنسی لینڈنگ کرنا پڑی جس کے بعد اس شخص نے فرار ہونے کی بھی کوشش کی لیکن بروقت کارروائی سے اسے گرفتار کرلیا گیا۔
روزنامہ دنیا ایپ انسٹال کریں
