امریکا میں ٹک ٹاک پر پابندی کی تاریخ میں مزید توسیع
واشنگٹن(نیٹ نیوز)امریکی صدر نے ٹک ٹاک پر ممکنہ پابندی کی ڈیڈ لائن کو 19 جون 2025 تک بڑھا دیا ،رپورٹس کے مطابق یہ فیصلہ اس وقت کیا گیا ۔۔
جب ٹک ٹاک کی مالک کمپنی بائٹ ڈانس کو امریکی صارفین کے لیے اپنی سروسز جاری رکھنے کے لیے امریکی ملکیت میں منتقل کرنے کی ہدایت دی گئی تھی۔ اگر بائٹ ڈانس مقررہ وقت تک ٹک ٹاک کے امریکی اثاثے فروخت کرنے میں ناکام رہتی ہے تو ایپ پر مکمل پابندی عائد کی جا سکتی ہے ۔جنوری 2025 میں ٹک ٹاک پر پابندی عائد کی گئی تھی جس کے بعد ایپ عارضی طور پر امریکا میں بند ہو گئی تاہم صدر ٹرمپ نے پابندی کے نفاذ کو 75 دن کے لیے مؤخر کیا جس سے ڈیڈ لائن 5 اپریل 2025 ہو گئی۔اپریل میں انہوں نے ایک اور 75 دن کی توسیع دی جس سے نئی ڈیڈ لائن 19 جون 2025 مقرر ہوئی۔
روزنامہ دنیا ایپ انسٹال کریں
