مختصر لباس پہن کر پرفارمنس کرنے میں حرج نہیں :کترینہ
اداکارہ کترینہ کیف کے مطابق آئٹم سانگ کرنے اور ان میں قدرے مختصر لباس پہن کر پرفارمنس کرنے میں کوئی حرج نہیں
لاہور(نیٹ نیوز) اداکارہ کترینہ کیف کے مطابق آئٹم سانگ کرنے اور ان میں قدرے مختصر لباس پہن کر پرفارمنس کرنے میں کوئی حرج نہیں بلکہ وہ ایسے گانوں میں پرفارمنس کو اپنا اعزاز سمجھتی ہیں۔ حال ہی میں ان کا ریلیز ہونیوالا گانا ’’حسن پرچم‘‘ بھی مداحوں میں بیحد مقبول ہو گیا اس میں بھی وہ ماضی کے دیگر گانوں کی طرح نیم عریاں لباس میں ڈانس کرتی دکھائی دیں۔ لوگوں کی جانب سے بولڈ سمجھے جانے پر کترینہ کیف نے خوشی کا اظہار کیا اور کہا انہیں یہ سن کر اچھا لگتا ہے کہ مداح انہیں پرکشش سمجھتے ہیں۔اداکارہ نے وضاحت کی کہ نیم عریاں لباس پر بولڈ پرفارمنس دینے پر انہیں خود مختاری کا احساس ہوتا ہے ۔انہوں نے اس خیال کو بھی مسترد کردیا کہ لباس، میک اپ اور ادائیں کوئی معنی نہیں رکھتیں، اہم بات یہ ہے کہ آپ خود کو کس طرح پر سکون اور با اعتماد سمجھتے ہیں۔
