فنکار برادری مشکل گھڑی میں کشمیریوں کیساتھ ہے :توقیرناصر
اس حوالے سے حکومت پاکستان اور افواج پاکستان کے فیصلوں کی تائید کرتے ہیں :اداکار
کراچی(شوبز ڈیسک) اداکار توقیر ناصر کا کہنا ہے کہ کشمیر میں بھارتی فوج کے ظلم پر مسلم ممالک کی خاموشی افسوسناک ہے ۔کراچی میں طلبہ کی تقریب سے خطاب کے دوران توقیرناصر نے کشمیریوں سے اظہاریکجہتی کرتے ہوئے کہاکہ مشکل گھڑی میں پوری فنکار برادری کشمیریوں کیساتھ کھڑی ہے اور حکومت پاکستان اور افواج پاکستان کے فیصلوں کی تائید کرتی ہے ۔انہوں نے کہا آج کا ڈرامہ کمرشل ہے جبکہ ماضی کے ڈراموں میں مقصدیت اور معاشرے کی اصلاح کیلئے پیغام ہوتا تھا۔ فنی صلاحیت خداداد ہوتی ہے البتہ اکیڈمی اور مسلسل کام فن کو نکھارتا ہے ۔
روزنامہ دنیا ایپ انسٹال کریں
