پرویز الٰہی کی رہائی بنتی ،اتنی برداشت کی امید نہیں تھی:ثنا اللہ
اسلام آباد (دنیا نیوز،نیوز ایجنسیاں)مسلم لیگ ن کے سینئر رہنما اور سابق وفاقی وزیر رانا ثنا اللہ نے کہا محاذ آرائی کے خاتمے اور عدلیہ سے متعلق امور کے حل کیلئے مذاکرات شروع ہوگئے ہیں۔
ججز کا خط لکھنا کافی ہے کہ ایسا لائحہ عمل بن جائے کہ ادارے ایک دوسرے کی حدود میں مداخلت نہ کریں۔انہوں نے کہا مذاکرات کا معاملہ2014ء سے بند گلی میں ہے ، پی ٹی آئی حکومت میں ہم دوبار ملاقات کے لئے انتظار میں رہے ۔ موجودہ صورتحال کی بڑی وجہ بانی پی ٹی آئی کا مؤقف ہے کہ وہ سیاستدانوں کیساتھ بات کرنے کو تیار نہیں، موجودہ صورتحال سب کے لئے ہی درست نہیں، ڈیڈ لاک ختم کرنا چاہئے ، ہماری طرف سے کوئی انا یا ہٹ دھرمی نہیں دوسری طرف سے ہے ، اپنے دور میں میرا گھر گرانے کے لئے انہوں نے بڑے جتن کئے تھے ۔تجاوزات ہیں تو گرایا جانا چاہئے ، ہم مذاکرات کی بات کریں تو وہ آگے سے گالیاں دیتے ہیں۔پرویز الٰہی کی رہائی بنتی تھی،ان سے اتنی برداشت کی امید نہیں تھی ، مخالف ہیں مگر جو ڈٹ کر لیڈر کے ساتھ کھڑا رہے میں اس کی عزت کرتا ہوں ،انقلاب لانا ہے تو پارلیمنٹ چھوڑیں ،پارلیمان کا انقلاب سے کوئی تعلق نہیں ،بانی پی ٹی آئی پارلیمان چھوڑ کر نہ بھاگتے تو ہماری حکومت سولہ ماہ قائم نہ رہتی ۔ 2صوبو ں میں حکومت نہ گراتے تو 9مئی بھی نہ ہوتا ، پی ٹی آئی کو حالیہ ریلیف کسی اشارے سے نہیں مل رہا جو روپوش ہیں انہیں سامنے آنا چاہیے ۔
