اسلام آباد ہائیکورٹ:4ایڈیشنل ججوں کی تعیناتی کیلئے19نام جوڈیشل کمیشن کوارسال
اسلام آباد (دنیا نیوز)اسلام آباد ہائیکورٹ میں 4 ایڈیشنل ججز کی تعیناتی کیلئے 19جبکہ بلوچستان ہائیکورٹ میں 3 ایڈیشنل ججز کی تعیناتی کیلئے 11نام جوڈیشل کمیشن کو ارسال کردئیے گئے ۔
اسلام آباد ہائیکورٹ میں 4 ایڈیشنل ججوں کی تعیناتی کیلئے بھیجے گئے ناموں میں 3 ڈسٹرکٹ سیشن ججزراجہ جواد عباس حسن، جج اعظم خان اور شاہ رخ ارجمند اور ایک ایڈیشنل سیشن جج ہمایوں دلاور کا نام شامل ہے ۔ دیگرارسال کئے گئے 15ناموں میں ایڈووکیٹ عدنان بشارت، سید قمر حسین سبزواری، عمر اسلم انعام امین منہاس، محمد عثمان غنی ، راشد چیمہ ، عدنان حیدر، ندرت بیان مجید، سلطان مظہر شیر خان، کاشف علی ملک،دانیال اعجاز، شاہد محمود کھوکھر، بابر بلال، محمد عبدالرافع،چودھری حفیظ اللہ یعقوب اورایڈووکیٹ جنرل اسلام آباد ایاز شوکت کے نام شامل ہیں۔جوڈیشل کمیشن کو بھجوائے گئے مذکورہ ناموں کی سی ویز اور دیگر متعلقہ ریکارڈ ای میل کے ذریعے بھجوا دیا گیا ۔ بلوچستان ہائیکورٹ میں 3 ایڈیشنل ججز کی تعیناتی کے لئے 4سیشن ججز جام محمد گوہر، پازیر احمد بلوچ، اللہ داد روشن اور محمد داؤد خان کے علاوہ ایڈووکیٹ محمد عاصم، ظہور احمد مینگل، محمد افضل، محمد ایوب خان، خلیل احمد پانیزئی، محمد نجم الدین مینگل اور سید اقبال شاہ کے نام شامل ہیں۔ دونوں ہائیکورٹس میں ججز کی تعیناتی کیلئے جوڈیشل کمیشن کا اجلاس 17 جنوری کو ہوگا ۔
