ہیلپ لائن نمبر 1718 پر بجلی چور ی شکایات کریں:ڈی سی
ٹو بہ ٹیک سنگھ (ڈسٹرکٹ رپورٹر )ڈپٹی کمشنر نعیم سندھو کی زیر نگرانی ضلع بھر میں بجلی چوروں کے خلاف تیزی سے جاری ہے۔۔۔
مہم میں عوام کو بھی شامل کرنے کے لیے ہنگامی اقدامات شروع کر دیئے گئے ہیں،ضلعی انتظامیہ کی جانب سے بجلی چوروں کی نشاندہی کے لیے ڈپٹی کمشنر کنٹرول روم میں قائم خصوصی ہیلپ لائن نمبر 1718 متعارف کروادیا گیا ۔ڈپٹی کمشنر نعیم سندھو کاکہناہے کہ صارفین بجلی چوری کرنے والوں کی اطلاع ضلعی انتظامیہ کی ہیلپ لائن نمبر 1718 پر دے سکتے ہیں جبکہ ایکسین واپڈا رپورٹ کے مطابق ضلعی انتظامیہ اور واپڈا کی مشترکہ کارروائیوں کے دوران 24بجلی چوروں کے خلاف متعلقہ تھانوں میں ایف آئی آر کا اندراج کروایا جار ہا ہے اور انکو 17لاکھ 48ہزار 5سو روپے کے جرمانے کیے گئے ہیں، ڈپٹی کمشنر نے ھ کہا ہے کہ بجلی چوری کی روک تھام قومی فریضہ ہے ،بجلی چوری کا بوجھ عام صارف کو اٹھانا پڑتا ہے ۔
