ڈی پی او چنیوٹ کی مساجد میں کھلی کچہریاں ،احکامات جاری
چنیوٹ(ڈسٹرکٹ رپورٹر )ڈی پی او چنیوٹ عبداﷲاحمد نے نماز جمعہ کے موقع پر جامعہ مسجد فردوسیہ محلہ گرین ٹاؤن چنیوٹ،مسجد تقوی شاہرائے قائد اعظم چنیوٹ میں کھلی کچہریاں لگائیں۔
ڈی پی او عبداﷲاحمد نے شہریوں کے مسائل سنے اور ان کے حل کی یقین دہانی کروائی ۔انہوں نے شرکاء کو پولیس کی جانب سے مہیا کی جانے والی عوام دوست پولیس خدمات، بہتر پبلک سروس ڈیلیوری کے حوالے سے بریفنگ دی۔ اس موقع پر ضلعی پولیس سربراہ نے کہا کہ مسجد میں لوگوں کے مسائل سننا سنت نبویؐ ہے ،مسجد میں کھلی کچہری لگانے کا مقصد آپ کے مسائل آپ کے پاس آکر سننا اور ان کو حل کرنا ہے ، شہری معاشرتی و اخلاقی برائیوں اور جرائم پیشہ عناصر سے متعلق اطلاع دے سکتے ہیں تمام وسائل بروئے کار لاتے ہوئے پبلک سروس ڈلیوری میں بہتری کیلئے اقدامات جاری ہیں۔ شہری کسی بھی مسئلے ،پریشانی یا جرائم پیشہ عناصر سے متعلق اطلاع0323-7543444 پر دے سکتے ہیں، اہل علاقہ نے مساجد میں کھلی کچہریوں کے اقدام کو سراہا۔
