انسداد ڈینگی مہم،مانیٹرنگ کا تسلسل جاری:ایم ڈی واسا
فیصل آباد(خصوصی رپورٹر)مینجنگ ڈائریکٹر واسا عامر عزیز کی ہدایت پرسٹیزن لائزن سیل کی جانب سے انسداد ڈینگی مہم کے تحت عوامی آگاہی مہم مسلسل جاری ہے۔۔۔
جس کے تحت سی ایل سی سٹاف نے گورنمنٹ ایم سی ہائی سکول ڈی ٹائپ کالونی کا وزٹ کیا اور وہاں طالب علموں کو آگاہی لیکچر دیا جبکہ بعد میں سکول کے اساتذہ اور طالب علموں میں انسداد ڈینگی مہم کے حوالے سے تحریر شدہ پمفلٹس بھی تقسیم کئے ۔ اس ضمن میں ایم ڈی واسا عامر عزیز نے کہا کہ موسم کی تبدیلی ڈینگی مچھروں کی افزائش کے لئے موزوں ہے تاہم احتیاطی تدابیر اختیار کر کے ڈینگی مچھروں سے بچائو ممکن ہے ۔ انہوں نے مزید کہا کہ انسداد ڈینگی مہم کے ایس او پیز پر مکمل عمل درآمد کیا جارہا ہے اور واسا ہیڈ آفس سمیت ڈسپوزل سٹیشنز ، پانی کی ٹینکیوں اور دیگر عمارتوں میں روزانہ کی بنیاد کی صفائی ستھرائی ، پانی کا خاتمہ سمیت دیگر اقدامات کئے جارہے ہیں جبکہ مانیٹرنگ کا تسلسل بھی جاری ہے۔
